Kva vi ser etter

God stemning og godt miljø er viktig for oss. Derfor ser me etter deg som er glad i å formidle, og trivst i vertskapsrolla.
Du må ikkje vere ekspert på båtbygging eller tradisjonshandverk, me gir deg opplæringa du treng!

Me trur at både studentar, skuleelevar og vaksne kan trivast med sommarjobb på Hardanger Fartøyvernsenter.

Det er ønskjeleg at du:

• Snakkar godt norsk og engelsk. Kan du fleire språk er det ein bonus.
• Er punktleg, ansvarsbevisst, kan arbeide sjølvstendig og tek initiativ.
• Har lyst til å lære, og likar å snakke med folk.
• Trivst med, til tider, høgt tempo.
• Kjenner deg igjen i våre verdiar: Truverdig, raus og engasjert.

Arbeidsoppgåver

Du får ei viktig rolle i å formidle levande handverkstradisjonar, og stillingane har kombinerte roller som omvisar, museumsvert og kafémedarbeidar.

Arbeidsoppgåver vil inkludere mellom anna:

• Omvising: Formidling av senteret si historie, båtbygging og fartøyvern til besøkande turistar.
• Museumsvert: Møte gjester, selje billettar og informere om aktivitetane på området.
• Kafé og butikk: Servering av enkel mat som kaffi og kaker, og sal av gjenstandar frå museumsbutikken vår.
• Resepsjon: Ta imot gjester, selje billettar og informere om alt Fartøyvernsenteret har å by på.
• Aktivitetar: Hjelpe til med aktivitetar i tunet på Hardanger Fartøyvernsenter.

Me tilbyr

• Ein unik arbeidsplass i vakre omgjevnader, i eit nasjonalt senter for fartøyvern.
• Gode kollegaer, og eit inkluderande arbeidsmiljø.
• Full opplæring.
• Hardanger og Voss museum er tilknytta tariffavtalen «Landsoverenskomsten for museer og andre kulturinstitusjoner».
• Hovudsesong frå juni til august.
• Noko arbeid kan påkomma i påskeveka.
• Individuelle avtalar om arbeidsperiode.
• Turnus med helgearbeid.

Kontaktperson:

Olav Hanto

Einingsleiar for publikum og formidling

telefon: 91 72 40 72

olav.hanto@hvm.museum.no 

Hardangerjakta Mathilde søker kokk/ kokekyndig – sesong 2026

Har du erfaring med matlaging og lyst på en unik jobb til sjøs? Me søkjer ein kokekyndig person til Hardangerjakta Mathilde for seglingssesongen 2026! 

Om Mathilde

Mathilde er ein over 140 år gammal, 73 fot lang hardangerjakt som har vore i drift sidan 1989 etter restaurering. Me seglar frå mars til oktober med leirskule, utleigetokt og andre oppdrag. Ombord har me eit fast mannskap på tre: skipper, bestmann og kokekyndig, og ofte ein ekstra matros eller leirskulelærar i periodar.

Mathilde eiges og drivast av Hardanger Fartøyvernsenter, ein avdeling under Hardanger og Voss museum. 

Om stillinga

Som kokekyndig på Mathilde har du ansvar for å laga næringsrik og god kvardagsmat til leirskuleelevar og andre medseglarar. Du vil planleggja menyar, handla inn og stå for matlaginga om bord.

Mange av gjestane våre er born, så det er viktig at du trivst i lag med dei. 

Me ser etter deg som: 

• Har erfaring med matlaging, gjerne frå storkjøkken, kantine eller tilsvarande. 

• Er strukturert, sjølvstendig og løysningsorientert. 
• Likar å skapa gode opplevingar

• Trivst med å jobba på få kvadratmeter og tett på resten av mannskapet og passasjerar. 

• Har gode samarbeidsevner og eit godt humør. 

• Snakkar og forstår norsk godt. 
• Har eit hjarte for historiske seglskuter og tradisjonsformidling. 
• Kjenner deg igjen i våre verdiar; truverdig, raus, engasjert. 

Ønskjelege kvalifikasjonar: 

• Grunnleggande tryggleikskurs for sjøfolk (STCW tabell A-VI/1-1, 1-2, 1-3, 1-4) 

• Passasjer- og krisehandteringskurs. 

• Gyldig vandelsattest frå Politiet. 

• Helseattest frå sjømannslege.

I enkelte tilfelle kan arbeidsgjevar, etter nærare avtale, dekke kostnader til nødvendige kurs. 

Kvifor Hardangerjakta Mathilde?: 

• Ei unik skute, med unik historie.
• Du blir ein del av eit uformelt og engasjert fagmiljø ved Hardanger Fartøyvernsenter.
• Ingen dagar er like, og du får oppleva Norskekysten frå orkesterplass.
• Minner for livet – for gjester og mannskap
• Me tilbyr kost og losji om bord under tokt, gode pensjons- og forsikringsordningar, bedriftshelseteneste og velferdsordningar.

Praktisk informasjon 

• Varigheit: Sesongvikariat mars–oktober 2026, (nøyaktig dato etter avtale).

• Løn: Etter avtale 

• Søknadsfrist: 15. februar 2026

Send søknad med CV og relevante attestar til personal@hvm.museum.no. 

Spørsmål om stillinga kan rettast til fartøyansvarleg Tone Geirsdatter Solvang på telefon 41448240.