Kva skjer på
Hardanger fartøyvernsenter?

«Med Restauration gjennom Hell Gate til Det Lova Landet»
– Ei forteljarførestilling om det første norske emigrantfølgje som forlét Noreg 4. Juli 1825.

Denne torsdag tar forteljar Anne Elisebeth Skogen tilhøyrarane tilbake til sommaren 1825.

Ved Bispebrygga i Stavanger låg seglskuta Restauration fortøyd. Om bord på dekk sto eit fylgje på over femti menneske, barn, ungdomar og vaksne. Dei var reiseklare, klare til å forlata landet sitt og vinka eit siste farvel til slekt og vener. Og dei skulle langt, over sjølve Atlanterhavet til Amerika.

Kven var desse menneska, kvifor reiste dei, korleis blei overfarten og kva skjedde vidare då dei nådde New York? Svara får du på forteljarførestillinga på Hardanger fartøyvernsenter den 19. mars kl. 19.00!

Anne Elisebeth Skogen jobbar som frilans forteljar gjennom einmannsføretaket www.forteljarkokeriet.no. Ho har hatt fleire turnear for Den Kulturelle Skulesekken i Rogaland, og Hordaland, delteke på festivalar og turnert i sju statar i USA.

Inngang kr 100,- (i døra)
Open kafé og museumsbutikk

Aleksander Nordahl har i mange år vore ein av dei fremste reportasjefotografane i Noreg. Han har jobba i NTB, Dagbladet og i Dagens Næringsliv – der han jobbar i dag. Han har vunne mange prisar for sine fantastiske bilete, dei har også vore utstilt forskjellige stadar, mellom anna under «Passion for Ocean» festivalen i Oslo tidlegare i år, og på fotogalleriet Ellingsen & Worsøe i Stavanger. Han har og halde føredrag på «Camp Villmark», «Båtmessen» og ei rekkje havfestivalar som «Havet i Operaen» og «Sea Skrova», og i prosjektet «På eitt pust» fangar han augneblink frå ei verd me sjeldan får oppleva.

Torsdag 30. april kl. 19.00 kjem han til Hardanger fartøyvernsenter for å fortjelja om sin enorme lidenskap for fridykking og undervassfotografering.

I ein artikkel til Harvest Magazine tidlegare i år uttaler han:

«Jeg svømmer med kameraet mitt. Jeg fanger øyeblikkene. Jeg er avhengig av å være like god som de fridykkerne jeg følger, for jeg tror bildene får en helt annen kvalitet når jeg gjør det samme som dem. Det handler om å mestre omgivelsene. Når du som fotograf er på Stortinget eller i Aleppo handler det om å mestre forholdene, og det er det samme i havet»

Gå ikkje glipp av ein særs fascinerande føredragskveld som utan tvil vil få deg til å halde pusten.

Om du ikkje kan venta så lenge kan du sjekke ut heimesidene:  https://ettpust.com/ eller https://www.instagram.com/freedivingnorway/

Inngang kr 100,- (i døra)
Open kafé og museumsbutikk

Velkomen alle!