Oppdatering fra Kulturnaustet – oktober

Me er godt inn i hausten og det har gått eit år sidan arbeida med Kulturnaustet starta. I sommar har me feira fleire milepælar. Kulturnaustet og Handverkartunet har no fått tett tak og vindauge er på plass! Ytterveggane på Handverkartunet har fått bordkledning og eit strøk maling.

Kranselag for Handverkartunet. Foto: Silje Ensby og Tine Kjosås

Tett tak vart feira med kranselag som seg hør og bør. Under kranselaget til Kulturnaustet fekk dei tilsette for fyrste gong sjå bygget frå innsida. Der vart det omvising og talar av arkitektane. Me gler oss til å komme inn i nytt bygg og arbeidet med innhald og ny utstilling er godt i gong. No jobbar me for fullt til å bli klar til den offisielle opninga 14. juni.

Kranselag for Kulturnaustet. Alle foto: Silje Ensby

Arbeid framover

På taket til Kulturnaustet er solceller snart ferdig montert, og taktekking står for tur. Bordkledning på ytterveggar kjem snart på plass. Innvendig er det kome opp skilleveggar og arbeidet med el og vvs er i gang. På Handverkartunet blir det snart støypt betongplate på grunnplan under. Til våren skal studentar legge teglstein på taket.