Alexander Aga Røynstrand og Geir Marius Thorud har konsert på Hardanger folkemuseum fredag 3. februar kl 19.30. Etter konserten spelar dei til dans.

Geir Marius Thorud er ein aktiv folkemusikar frå Sel i Gudbrandsdalen. Han trakterar fleire instrument, men er mest kjent som spelemann på trekkspel og durspel. Thorud har vore spelemann i over 20 år og har spelt mykje til dans både på festivalar, treff og andre lag. I tillegg til å vera ein dreven dansespelmann har Thorud eit stort repertoar innan folkemusikk som er egna til konsert. Han har i tillegg til å setja opp fleire eigne konsertprosjekt vore med andre musikarar på utallige konsertar og forestillingar gjennom åra. Geir Marius Thorud trakterar, forutan den heimlege musikken frå Gudbrandsdalen, musikk frå både vestlandet, Trøndelag, Nordøsterdalen- og Røros, Jämtland og Härjedalen, Dalarna og omegn, Finnskogen, samt finare flatbygdsmusikk frå austlandet.

Alexander Aga Røynstrand spelar hardingfele og kjem frå Granvin i Hardanger. Han har spelt hardingfele i 25 år og spelar i hovudsak tradisjonsmusikk frå Hardanger. Han har gjennom mange år spela til dans, underhaldt i ulike lag og spelt ei rekkje konsertar, både solo og saman med andre musikarar. Elles er han også aktiv som kappleiksdeltakar.

Saman vonar Geir Marius og Alexander å visa dei ulike kvalitetane og syna historia til runddansmusikken både på scena, i festlege lag og til dans. På Hardanger folkemuseum vert det fyrst konsert kl 19.30 og deretter dans fram til kl 22.30.

Hjarteleg velkomne alle!

Konsertane på Hardanger folkemuseum vert arrangerte i samarbeid med Hardanger folkemusikksamling og med støtte frå Norsk kulturråd.

Ullensvang kulturskule har konsert på Hardanger folkemuseum sundag 12. februar kl 18

Store og små frå kulturskulen i Ullensvang kjem til museet og har karnevalskonsert! Her kan ein gle seg til mykje moro og flotte musikalske innslag frå scena.

Kafeen på museet er ope, me serverer kjøttkakemiddag og gode deserter.

Hjarteleg velkomne alle!

Bill 100,- kan kjøpast i døra. Born under skulealder går gratis.

Konsertane på Hardanger folkemuseum vert arrangerte i samarbeid med Hardanger folkemusikksamling og med støtte frå Norsk kulturråd. Denne konserten er arrangert i samarbeid med Ullensvang kulturskule.

Lat deg sjarmera av unge talent frå Kvam kulturskule – laurdag 18. februar kl 13!

Fire gongar i året byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!

Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.

Billettar: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte

Arr: Kvam kulturskule og Kabuso

NILS ØKLAND fiolin, hardingfele
SIGBJØRN APELAND trøorgel

Nils Økland er ein av Noregs leiande felespelarar, ein fornyar av tradisjonell folkemusikk, og brubyggjar til klassisk og moderne musikk. Han komponerer det meste av musikken sjølv, frå vakre melodiske balladar og atmosfæriske eksperiment, til mørkare lydbilete. Han har vore solist med ulike orkester og ensemble i mange europeiske land, og hatt fleire turnear for Rikskonsertane, i det meir jazzrelaterte er 1982 og samarbeid med Arve Henriksen det mest kjende.

Kyrkjeorganist og etnomusikologdoktor Sigbjørn Apeland har sitt daglege virke ved Griegakademiet, og har medverka på nær 60 plater, frå Jørgen Sandvik og Tom Roger Aadland, via Sondre Bratland og Berit Opheim til 1982 og Alog. Saman skapar dei lågmælt og vedunderleg musikk i tussmørkret mellom religiøs musikk, folketonar og improvisasjon.

Thomas Strønen og Time Is a Blind Guide vender tilbake til Kabuso for å gje deg nye gode jazzopplevingar – søndag 5. mars kl 18!

Thomas Strønen – trommer/komposisjon
Ayumi Tanaka – piano
Håkon Aase – fiolin
Leo Svensson Sander – cello
Ole Morten Vågan – bass

Trommeslagar og komponist Thomas Strønen rekrutterte eit stjernelag til prosjektet ”Time is a blind guide”, ein bukett nye komposisjonar fremført av eit spanande ensemble med strykarar, piano og ein oppegåande rytmeseksjon.

Sjølv sier Strønen om prosjektet:
”Besetningen har en instrumentering som bærer preg av at jeg ønsker flere ensembler i ett. Musikken er melodisk og «tid» er et essensielt begrep også rent kompositorisk, både i form av utfordrende rytmikk, men også i det underliggende, med mye luft i komponeringen. Min musikalske oppvekst har vært mangfoldig, med ECM estetikk så vel som klassisk og elektronisk- og impromusikk; med dette prosjektet prøver jeg å samle mange endetråder.”

Strønen sin idé om ensemblemøter; eit strykarensemble, eit perkusjonsensemble og ein pianotrio er utgangspunktet for den uttrykksfulle musikken me møter denne kvelden, drive fram av handplukka musikarar frå begge sider av Nordsjøen.

Ingebjørg Bratland har lenge stått på ønskelista for konsertar i Kabuso, og torsdag 9. mars kl 20.00 (merk ny dato/tidspunkt!) kan du endeleg oppleva henne live i konsertsalen vår!

Ingebjørg Bratland er knapt fylt 30 år, men ho er allereie godt kjend for si vakre songstemme og eineståande formidlingsevne.
Karriera hennar starta i ung alder i folkemusikkmiljøet. Sidan orientert seg meir mot popverda og låtane hennar har fått eit umiskjenneleg Bratlandsk særpreg.
Ingebjørg har dei seinare åra vore særs aktiv på konsertfronten og har turnert med prosjekt som albuma Månesinn (2015), Hjarteskjell (2017), Papirfly (2020) i tillegg til fleire juleprosjekt.

Ingebjørg er nysgjerrig og oppsøkande i musikkvala sine. Det viser godt igjen i hennar mest kjende låtar, som er ei blanding av hennar eigne og tolkingar av andre sine låtar. Med songar som m.a. Jul i Svingen, Ingen som du, På avstand, Fordi eg elskar deg, Ljos, Stjernene med Lars Vaular, Vintersong, Bror og Di Ingebjørg har ho bora seg inn i den norske folkesjela. Live er ho ein fabelaktig formidlar og ein konsert med Ingebjørg byr alltid på nydelege låtar ispedd lune anekdotar.

«Det er sjeldan å høyre debutalbum som er så overtydande» – Deutschlandfunk

Inger Nordvik er ein norsk songar og komponist med eit musikalsk univers forma av den klassiske bakgrunnen hennar, røter i norsk folkemusikk men også av omgjevnadane hennar som veks opp i den ville naturen i nord. Samanlikna allereie med slike som Joni Mitchell og Kate Bush, har det blitt sagt at musikken hennar har ein tendens til å unngå perfeksjon på ein fengande måte, og trassar enkel kategorisering når den vert utvida til pop, nordisk folk og jazz.

Inger vart fødd i Harstad og byrja å spele piano i ein alder av seks år. Lidenskapen hennar for musikk inspirerte ho seinare til å ta utdanning i klassisk song, og i ein alder av 19 gjekk ho på det anerkjende Barratt Due musikkinstitutt i Oslo. Men den intuitive musikkforståinga hennar samt interessa for pop, soul og jazz, førde ho attende til der det heile starta, framfor pianoet, der ho improviserte fram melodiar.

Etter å ha fullført musikkstudia, byrja Inger å eksperimentere med låtskriving. Ho starta etter kvart eit samarbeid med to jazzmusikarar som opna ei dør til ei heilt ny verd av kreativitet, og dynamikk i skriveprosessen så vel som den interaktive forbetringa i livesettet hennar. Debutalbumet «Time» utgitt 7. februar 2020 har ein unik og godt lagd lyd, som utnyttar akustikken til århundregamle kyrkje for innspelinga. Hun handplukka ei blanding av strykarar, små kor og jazzmusikarar for å skape ei organisk og varm touch som er signaturlyden til musikken hennar.

Anten det er solo eller akkompagnert av musikarar, tek Inger seg alltid tid til å skreddersy dei fine detaljane i komposisjonane og framføringane, og ser dei vekse og sakte få eit eige liv. Mjuk og intim i augneblikka og stormfull og kaotisk i andre, musikken søkjer sine røter. Som vatn som strøymer til kilda, er den søte og krystallklare stemma et fyrtårn i et hav av ord.

Vil du læra korleis ein sett på seg skaut til hardangerbunaden? Eller få sjekka om skautet du har liggande framleis er brukanes? Alle som er interessert i bunadsskautet er hjarteleg velkomne på Hardanger folkemuseum måndag 20. mars kl 17.30 til ein uhøgtidleg skautedag der me testar skaut og øver på skauting.

Skautet kan vera litt komplisert å få fint på, men med litt øving kan ein få det til. Eller ein kan hjelpa kvarandre, då det ofte er lettare å skauta andre enn seg sjølv. Me lærer bort dei gode tipsa, frå dei som kan det.

Mange har kanskje skaut liggande heime, og er usikre på om dei framleis kan nyttast. Ta dei med på museet, og så testar me dei! Har du ein valk som ikkje kjennast god ut? Ta den med, og så finn me ut korleis den kan tilpassast. Eg god valk skal ikkje vera vond å ha på seg. Treng du ny valk, kan me hjelpa med det også.

Det er Folgefonn husflidslag, Bu og Ringøy bygdekvinnelag og Hardanger folkemuseum som inviterer til skautedag på museet. Me jobbar for å vidareføra kunnskapen om korleis ein feller/lagar bunadsskautet, slik at det framleis skal vera råd å få tak i nye bunadsskaut, eller få felt opp att gamle skaut som har gulna eller fått seg ein knekk. Me håpar og at fleire har lyst å nytta skaut til bunaden sin, og vil bidra til at fleire anten kan skauta seg sjølv eller hjelpa andre med skautinga.

Gratis inngang!

Foto: Laila Duran

Kira Martini – vokal
Mads Søndergaard – piano/harmonika
Joel Illerhag – kontrabass
Andreas Fryland – trommer

Etter utallige oppmodingar (og ei lengre korona-utsetjing) kjem publikumsfavoritten no tilbake til Kabuso – sundag 16. april kl 18!

Den danske songaren og låtskrivaren Kira Martini og bandet hennar er eit kjend namn på den danske jazzscenen – og sjarmerte altså Kabuso-publikumet i senk ved forrige besøk.
Med sin postitive energi; si varme og flotte stemme og eit breidt repertoar av ulike stilartar er Kira Martini ulik alle andre songarar på scenen.

«Den danske sanger, Kira Martini, synger hvert minutt, på en måte som virkelig får deg til å føle noe!

>>> Sjekk ut nettstaden til Kira Martini

Lat deg sjarmera av unge talent frå Kvam kulturskule – laurdag 22. april kl 13!

Fire gongar i året byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!

Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.

NB! KabusoVen gjeld ikkje på kakaokonsertar då desse er ferdig rabatterte

Arr: Kvam kulturskule og Kabuso

Martin Myhre Olsen – saksofon
Kjetil Mulelid – piano
Bárður Reinert Poulsen – kontrabass
Simon Olderskog Albertsen – trommer

Lovorda haglar over Wako og under konserten i Kabuso sundag 23. april kan du sjekka ut den lovpriste jazzkvartetten.

Med fem album og eit hundretals liveopptredenar i ryggen, spelar Wako med ein autoritet og personlegdom som plasserar dei i fortroppen av nordisk jazz.
Wako er ein av dei mest dynamiske og innovative gruppene på dagens jazzscene, og har bygd ei solid fanskare og hausta heider frå kritikarar nært og fjernt.
I følge ein kritikar i All about jazz (US) er Wako «eit norsk jazzkollektiv med ein verkeleg kollektivt sound».

Wako har teke sin stadig utvikla musikalitet og kreativitet med rundt Europa, og gjengjeve musikken sin live både saman med strykarane i Oslo Strings og saman med blant anna trompetvirtuos Arve Henriksen.
Musikkens omfang er alltid nøye justert til publikum, miljø og musikalsk materiale. Det betyr at konsertane ikkje berre er superlative, men og unike opplevingar.

Kort fortalt er Wako ei av dei mest imponerande unge livegruppene i dag og vel verd ein live lytt

Laurdag 13. mai opnar Agatunet for sesongen! Det vert konsert og opning av sesongens kunstutstilling med tihøyrande program. Detaljar kjem!

Fram til 19.6 er tunet ope laurdagar og sundagar 11-17.

Laurdag 13. mai opnar me sesongens kunstutstilling i Agatunet!

Årets kunstnarar er Ingeborg Stana, Astrid Nondal og Synneva Heradstveit.

Tradisjonen tru vert det opningsprogram med talar og stas! Meir info om opningsprogrammet kjem etterrkvart – hald av dagen og gled deg til ein vakker kunstutstilling!

Måleriet på biletet er «Blå natt» av Ingeborg Stana

¨Dette er musikk som treffer deg uansett om du er tilhenger av folkemusikk, rock eller blues¨. – Adresseavisen
Lat deg treffa av musikken til Erlend Viken trio i Kabuso, sundag 14. mai kl 18!

Erlend Viken – fele og hardingfele
Marius Graff – elgitar og banjo
Sondre Meisfjord – kontr

Hausten 2022 kom trioen med ny plate etter tre års dvale. Albumet er sett saman av tradlåtar frå folkemusikken, men lydbiletet er noko heilt utanom det vanlege:
Med hardingfele, el-gitar og kontrabass presenterer Erlend Viken trio folkemusikk med eit lydbilde basert på norsk tradisjonsmusikk, og med inspirasjon frå improvisasjonsmusikk, rock og ørkenblues. Trioen har gjennom sine energiske liveopptredenar skaffa seg mange fans på tvers av sjangergrensene.

Er du open og klar? 

Foto: Sigurd Ytre-Arne