– Ein del av Hardanger og Voss museum

– A part of Hardanger and Voss museum

Ope føredrag: Om bruken av ulike hjelpereiskap i båtbygging i Nordfjord og Sunnmøre

19nov18:0019:00Ope føredrag: Om bruken av ulike hjelpereiskap i båtbygging i Nordfjord og Sunnmøre18:00 - 19:00

Arrangement info

Ope føredrag: Om bruken av ulike hjelpereiskap i båtbygging i Nordfjord og Sunnmøre

I skotkjeften
Vi ser båtbygging i Jakobsgarden på Bjørkedalen i 1948, på Sunnmøre. Båtbyggjaren held på med sudhogga på ei rong, der ronga kvile på hoggestabben. Andre rænge er felt i bordinga og halde på plass med klæmbre. I framskuten ligg sjølhælda, nytta av ruhoggaren når ræningen skulle klinkast. På kvar side av båten står forseta, arbeidsbenken som fjølene vert skapte på.

Namn og nemning: Skotkjeften; Namnet på opninga i båtskotet, som sjeldan var bordkledd. Sudhogg; Hogga i innveden, som fell over den langsgåande skøyten, sudene. Rong; Krumvokse tverrband, felt i bordinga. Ubunden form fleirtal, rænger. Bordinga; Huda / skroget til båten. Klomber; Skrutvinge med lang kjeft. Klåmbr ubf eintal, klæmbre ubf fl. Sjølhelde; Klinketvinge festa i bordinga, slik at ein kan klinke med to hammarar. Ruhoggar; Dreng eller hjelpar som gjer grovarbeidet under båtbygging. Ræning; Saumrast, rad med jarnsaum som skal klinkast. Forsete; Arbeidsbenk av ein kløyvning med to føter i kvar ende, ca. 0,5 m høg og 25-30 cm brei og 3,5 – 4 m lang.

Ope for alle, gratis inngang, finn stad i filmsalen i Kulturnaustet kl. 18.

Tidspunkt

19. November 2026 18:00 - 19:00(GMT+00:00)

Lokasjon

Hardanger fartøyvernsenter

Andre arrangement